Mae dyn wedi marw yn dilyn gwrthdrawiad un cerbyd ym mhentref Porth Llechog ger Amlwch.
Yn ôl yr heddlu, roedd y Nissan Micra coch yn cael ei yrru o gyfeiriad Amlwch a gwrthdarodd â wal ar yr A5025 toc wedi 1.30yp brynhawn Gwener.
Er gwaethaf ymdrechion y gwasanaethau brys, cyhoeddwyd bod oedd yn teithio yn y car wedi marw yn y fan a'r lle. Mae ei berthnasau agosaf wedi cael gwybod.
Fe gafodd y ddynes oedd yn gyrru'r car ei chludo i Ysbyty Gwynedd ym Mangor gyda mân anafiadau.
Cafodd y gwasanaethau brys, gan gynnwys yr Ambiwlans Awyr Cymru, eu galw i'r lleoliad a cafodd y ffordd ei chau am gyfnod.
Dywedodd y Rhingyll Leigh McCann o’r Uned Troseddau Ffyrdd: "Mae ein meddyliau’n parhau gyda theulu’r dyn yn ystod yr amser anodd hwn."
"Rydym yn annog unrhyw un a allai fod wedi bod yn teithio ar hyd yr A5025 drwy Borth Llechog ac sydd hefo lluniau camera dashcam o’r gwrthdrawiad, gan gynnwys y cyfnod cyn y digwyddiad, i gysylltu â ni cyn gynted â phosibl."
Os oes gennych unrhyw wybodaeth am y gwrthdrawiad, cysylltwch â Heddlu Gogledd Cymru ar 101 neu drwy'r wefan, gan ddyfynnu'r rhif cyfeirnod C168879.
Carcharu dyn am dreisio dynes tra roedd hi'n cysgu
Gwobr genedlaethol am fenter realiti rhithwir
Dynes ifanc wedi marw yng Ngŵyl Tonnau
Gweinidog yn agor estyniad Ysgol y Graig
Ymgeisydd annibynnol yn ennill isetholiad Llanrug
