Mae corff dyn 74 oed, a aeth ar goll yn ardal Eryri, wedi cael ei ddarganfod.
Bu chwiliadau helaeth dros y penwythnos am Gregor, a ddiflannodd ar ôl parcio ei gar yn Hostel Mynydd Eryri ger Bethesda fore Iau.
Cafodd corff ei ddarganfod ar fynydd Carnedd Y Filiast toc cyn 4yp prynhawn dydd Llun, yn ôl Heddlu Gogledd Cymru.
Nid yw'r heddlu yn credu fod unrhyw amgylchiadau amheus ynghylch ei farwolaeth ac mae crwner Gogledd Orllewin Cymru wedi cael gwybod.
Dyweddod y Prif Arolygydd Stephen Pawson: "Mae fy nghydymdeimlad dwysaf yn parhau gyda theulu Gregor yn ystod yr amser anodd hwn."
"Diolch i asiantaethau partner, gwirfoddolwyr ac aelodau’r cyhoedd a gynorthwyodd yn ein chwiliadau dros y penwythnos a heddiw."
Apêl yr heddlu ar ôl lladradau Calan Gaeaf
Foden: cyngor yn 'hyderus' bod plant yn fwy diogel
Pont y Borth: mwy o waith cynnal a chadw
Caergybi: arestio dyn ar amheuaeth o lofruddiaeth
Gŵyl Cefni yn dychwelyd yn 2027
