Mae dyn wedi cael ei arestio ar amheuaeth o lofruddiaeth yn dilyn argyfwng meddygol yng Nghaergybi.
Cafodd yr heddlu a pharamedigion eu galw i gyfeiriad preswyl ar Ffordd Morawelon ychydig cyn 3.50yb fore Sul.
Mae dyn 61 oed wedi cael ei arestio ac mae'n parhau yn y ddalfa.
Dywed ditectifs fod hwn yn ddigwyddiad unigol, ac nad oes risg parhaus i’r gymuned ehangach.
Nid oes manylion pellach ar hyn o bryd, ond mae'r heddlu'n cynyddu eu presenoldeb yn yr ardal am y 24 awr nesaf fel rhan o'u hymchwiliad.
Dywedodd yr Arolygydd Ditectif Rob Mahoney o Heddlu Gogledd Cymru: "Hoffwn dawelu meddyliau'r cyhoedd ein bod yn trin hwn fel digwyddiad unigol, ac nad oes unrhyw fygythiad parhaus i'r gymuned ehangach."
"Bydd mwy o bresenoldeb heddlu yn yr ardal dros y 24 awr nesaf wrth i dditectifs barhau i ymchwilio i amgylchiadau'r digwyddiad."
"Byddwn yn gofyn i unrhyw un sydd â gwybodaeth a allai ein cynorthwyo i gysylltu â ni drwy ein gwasanaeth sgwrsio byw neu drwy ffonio 101, gan ddyfynnu'r cyfeirnod O178536."
Diwedd cyfnod i siop Lamia ym Modedern
Ymddeol crys rygbi i gofio Jack
Porthaethwy: cyhuddo dyn o werthu canabis
Cerbydau wedi'u hatafaelu oddi ar yrrwr heb yswiriant
Llyfrgell Caernarfon yn symud dros dro
