Mae Cyngor Gwynedd yn nodi diwrnod rhyngwladol Ymgyrch Rhuban Gwyn drwy annog ymddygiad positif i ddileu trais yn erbyn merched a genethod.
Mae'n nodi dechrau wythnos fyd-eang o ymwybyddiaeth o'r ymgyrch i annog ac addysgu dynion a bechgyn i ddod â thrais yn erbyn menywod i ben.
Mae baner arbennig yn cael ei chwifio ym mhencadlys y cyngor yng Nghaernarfon.
Eleni, mae ymgyrch Rhuban Gwyn yn annog dynion i wneud eu hunain yn atebol i ferched ac i'w gilydd er mwyn sicrhau newid ymddygiad positif i drawsnewid diwylliannau niweidiol.
Dywedodd y Cynghorydd Menna Trenholme, aelod cabinet sy'n gyfrifol am faes adnoddau dynol: "Mae gan Gyngor Gwynedd enw da fel lle da i weithio gydag awyrgylch gyfeillgar a chefnogol."
"Mae meddu ar yr achrediad hwn yn dangos ein bod yn cymryd mater trais yn erbyn menywod o ddifri ac yn defnyddio ein safle i ddylanwadu a gwneud gwahaniaeth yn fewnol ac yn allanol."
Mae'r Cyngor Gwynedd hefyd yn sefydliad achrededig Rhuban Gwyn
Am fwy o wybodaeth am yr ymgyrch Rhuban Gwyn, ewch i'w gwefan White Ribbon UK.
Os oes angen unrhyw gefnogaeth ynglŷn a camdriniaeth ddomestig neu drais rhywiol, mae'r llinell gymorth Byw Heb Ofn ar gael ar 0800 80 10 800 gyda chyngor pellach ar wefan Llywodraeth Cymru.
Streicwyr Friction yn serennu mewn drama newydd
Atafaelu tybaco anghyfreithlon o siopau Môn
Teyrnged i feiciwr modur fu farw ym Mynytho
'A dyna fi': George North i ymddeol o rygbi
Carcharu dyn am ymosod ar ei gyn-bartner
