Cyhuddo dyn o anafu yn Nhrefor

Monday, 26 October 2026 at 13:33

By Ystafell Newyddion MônFM

Heddlu Gogledd Cymru

Mae dyn 65 oed wedi cael ei gyhuddo o anafu yn dilyn ymosodiad honedig yn Nhrefor.

Cafodd dyn arall anafiadau difrifol yn dilyn digwyddiad yn yr Hen Ysgol tua 6yh nos Wener diwethaf.

Cafodd Steven Parry ei arestio a'i gyhuddo wedyn o glwyfo bwriadol a meddu ar gyllell mewn annedd breifat.

Yn Llys Ynadon Llandudno ddydd Llun, cafodd ei gadw yn y ddalfa a bydd yn ymddangos gerbron barnwr yn Llys y Goron Caernarfon ddydd Llun 23 Tachwedd.

Mae ail ddyn wedi cael ei arestio a'i ryddhau ar fechnïaeth amodol tra bod ymholiadau'n parhau.

Mae patrolau heddlu yn parhau yn y pentref er mwyn cynnig sicrwydd, ac mae ditectifs wedi annog y cyhoedd i osgoi dyfalu neu gyhoeddi unrhyw beth ar-lein a allai fod yn niweidiol i unrhyw achos llys posibl yn y dyfodol neu danseilio'r broses cyfiawnder troseddol.

Yn gynharach, dywedodd y Ditectif Sarjant Jones o’r Adran Ymchwilio i Droseddau'r Gorllewin: “Mae ymholiadau i'r digwyddiad yn parhau ac felly bydd presenoldeb heddlu yn parhau yn yr ardal heddiw. Fodd bynnag, hoffem roi sicrwydd i drigolion nad oes risg ehangach i'r cyhoedd."

"Rydym yn ymwybodol o ddyfalu sy'n cylchredeg ar y cyfryngau cymdeithasol ynglŷn â'r digwyddiad. Byddem yn annog aelodau'r cyhoedd i beidio â dyfalu gan y gall hyn achosi pryder diangen a gall effeithio ar ymchwiliadau parhaus."

Os oes gennych unrhyw wybodaeth mewn cysylltiad â'r ymosodiad honedig, cysylltwch â Heddlu Gogledd Cymru ar 101 neu drwy'r sgwrs we fyw, gan dyfynnu'r rhif cyfeirnod 26000871650.

Do you have a local news story to share? Email news@monfm.co.uk

Oes gennych chi stori newyddion lleol i'w rhannu? Ebostiwch news@monfm.co.uk

  • Gwrando Eto

    Cliciwch yma i wrando eto ar eich hoff rhaglen!

  • Listen Again

    Click here to listen again to your favourite show!

More from Newyddion Lleol

Nawr ar MônFM / Now on MônFM

  • MônFM drwy'r nos / through the night

    Midnight - 7:00am

    Caneuon gwych gyda'r nos / Great songs all night long

Wedi Chwarae / Previously Played

FM
monfm.co.uk
App
'Play MônFM'