Mae dau ddyn wedi cael eu harestio mewn cyfres o gyrchoedd cyffuriau ym Mangor a Chaernarfon.
Cafodd cyffuriau gwerth dros £100,000 eu hatafaelu yr wythnos diwethaf, gan gynnwys gan gynnwys swm o heroin, madarch hud wedi’u sychu a canabis.
Yn ôl Heddlu Gogledd Cymru, mi gyflawnwyd y gwarantau wedi i swyddogion gael gwybod ynglŷn â phryderon lleol ynglŷn â chyffuriau mewn eiddo preswyl.
Dywedodd PC Scott Jones: "Mi wnawn ni barhau i dargedu ac ymyrryd ar gyffuriau sy’n achosi gofid i aelodau’r gymuned."
"Mae tyfu a chyflenwi cyffuriau mewn eiddo preswyl yn cael effaith mawr ar gymdogion a theuluoedd sy’n byw gerllaw, wrth roi eu tai nhw’u hunain mewn mwy o berygl o dân a goblygiadau iechyd i’w plant nhw."
"Mae nodi’r unigolion hyn yn ein galluogi ni i atal troseddau difrifol a gwarchod y rhai sy’n agored i gamfanteisio."
Mae dyn 55 oed a dyn 32 oed wedi cael eu harestio, a bellach wedi cael mechnïaeth wrth i’r ymchwiliad barhau.
Carcharu dyn am dreisio dynes tra roedd hi'n cysgu
Gwobr genedlaethol am fenter realiti rhithwir
Dynes ifanc wedi marw yng Ngŵyl Tonnau
Gweinidog yn agor estyniad Ysgol y Graig
Ymgeisydd annibynnol yn ennill isetholiad Llanrug
