Mae awyrennau jet Hawk T2 wedi ailddechrau hedfan yn dilyn damwain hyfforddi ger RAF Y Fali fis diwethaf.
Cafodd dau beilot eu cludo i'r ysbyty gyda mân anafiadau ar ôl dianc o jet Hawk T2, a chwalodd yn ardal Peniscarnog ddydd Mercher 23 Medi.
Mae'r ddau yn gwella gartref ac yn debygol o wella'n llwyr.
Cafodd awyrennau jet Hawk T1 a T2 eu gwahardd rhag hedfan dros dro, ond mewn datganiad, dywedodd yr Awyrlu Brenhinol fod awyrennau jet T2 yn ailddechrau gweithrediadau brynhawn Iau.yn dilyn "adolygiad trylwyr o’r wybodaeth sydd ar gael ar hyn o bryd a gweithgaredd sicrhau diogelwch priodol."
Mae ymchwiliad i'r ddamwain yn parhau.
Dyweddod llefarydd ar ran RAF Y Fali: “Mae’r penderfyniad wedi’i wneud ar y lefel uchaf, ar ôl craffu helaeth, bod y rheolaethau diogelwch a’r mesurau sicrhau angenrheidiol ar waith i gefnogi dychwelyd i hedfan sydd wedi ei fesur a'i reoli."
“Mae diogelwch criwiau awyr, personél a chymunedau lleol yn parhau i fod yn hollbwysig, a bydd yr ymchwiliad i ddigwyddiad y mis diwethaf yn parhau ochr yn ochr â phrosesau hedfan a sicrhau diogelwch arferol.”
Caergybi: arestio dyn ar amheuaeth o lofruddiaeth
Caergybi: corff dyn wedi’i ganfod mewn fflat
Carcharu cyn-dditectif am gamddefnyddio cyfrifiaduron
Cyhuddo dyn o ymosodiad yng Nghaergybi
A494: dyn wedi marw mewn gwrthdrawiad
