Mae pedwar o bobl a gafodd eu harestio mewn cysylltiad â llofruddiaeth Doreen Morris wedi cael eu rhyddhau o dan ymchwiliad.
Cafodd tair dynes ac un dyn eu harestio yr wythnos diwethaf ar amheuaeth o wyrdroi cwrs cyfiawnder yn dilyn adolygiad o'r achos gan dditectifs.
Cafwyd hyd i gorff Mrs Morris, 64 oed, yn ei byngalo wedi'i ddinistrio gan dân yng nghyffiniau Caergybi ym mis Mawrth 1994.
Yn ôl Heddlu Gogledd Cymru, cafodd y pedwar o bobl eu harestio a'u rhyddhau ddydd Mercher diwethaf (2 Medi).
Mi ganfuwyd Joseph Carl Westbury yn ddieuog o’i llofruddiaeth ym 1995, ac mi wadodd dorri i fewn i’w chartref ar Lôn y Felin. Mi laddodd ei hun ym mis Mai 2016.
Yn 2023, cofnodwyd rheithfarn o ladd anghyfreithlon gan reithgor mewn cwest yng Nghaernarfon. Cafodd Mrs Morris ei thrywanu â fforc ar ôl iddi ddod o hyd i ladron yn ei chartref.
Dywedodd ditectifs fod tystiolaeth newydd a ddaeth i'r amlwg o adolygiad achos mawr, a ddechreuodd yn 2024, wedi darparu sail ar gyfer yr arestiadau.
Mae teulu Mrs Morris wedi cael y wybodaeth ddiweddaraf ac mae'r ymchwiliad yn parhau.
Os oes gennych unrhyw wybodaeth mewn cysylltiad â'r llofruddiaeth, cysylltwch â Heddlu Gogledd Cymru ar 101 neu â Crimestoppers yn ddienw ar 0800 555 111, gan ddefnyddio Ymgyrch Epose fel cyfeirnod.
Prif Weinidog yn cofio ei fam ddiweddar
Benllech: arestio tri ar ôl llosgi bwriadol
Ymosodiad ar mamog yn Ninas Dinlle
Comisiynydd yr Heddlu yn cynnal cymorthfeydd ym Menllech
Carcharu dyn ar ôl iddo geisio siarad hefo plant ar-lein
