Mae pedoffeil a adawodd y wlad o dan ymchwiliad wedi cael ei garcharu am 12 mlynedd a hanner.
Plediodd Angel Walker, sydd heb gyfeiriad sefydlog, yn euog i bedwar cyhuddiad o ymosodiad rhywiol hanesyddol yn erbyn merch ifanc.
Cafodd y dyn 64 oed ei arestio yn ddiweddarach ym Mhortiwgal a'i ddychwelyd i'r DU.
Dechreuodd yr ymchwiliad ar ôl i’r dioddefwr, sydd bellach yn oedolyn, roi gwybod i’r heddlu am y troseddau bum mlynedd yn ôl.
Arestiwyd Walker, ond mi adawodd y wlad tra roedd o dan ymchwiliad yn 2022.
Yn Llys y Goron Caernarfon ddydd Gwener, gwaharddwyd Walker rhag cysylltu â'i ddioddefwr am weddill ei oes, o dan orchymyn atal.
Derbyniodd hefyd orchymyn atal niwed rhywiol am oes a bydd hefyd yn gorfod cofrestru fel troseddwr rhywiol am gyfnod penagored.
Dywedodd yr Ymchwilydd Sifil Amy Jones o Heddlu Gogledd Cymru: "Mae'r dioddefwr wedi dangos dewrder, amynedd a dyfalbarhad mawr wrth aros cymaint o amser am gyfiawnder, ac mae'n haeddu canmoliaeth am hynny."
"Mae gweithredoedd ffiaidd y diffynnydd wedi cael effaith aruthrol ar ei bywyd. Gobeithio bod y ddedfryd yn caniatáu rhywfaint o ddiweddglo iddi, ac yn helpu’r dioddefwr symud ymlaen efo’i bywyd hi."
"Byddwn yn parhau i ymchwilio'n fanwl i'r math hwn o drosedd a ‘da ni’n annog unrhyw un sydd wedi dioddef cam-drin rhywiol i ddod aton ni. Byddwn yn gwrando ac yn cynnig help, waeth pa mor bell yn ôl y digwyddodd y cam-drin."
Teyrngedau i'r chwaraewr rygbi Jack Davies
Llofruddiaeth Caergybi: terynged i 'ddyn teulu'
Bangor: cyllid ynni ar gyfer canolfan rhoi gwaed
Cwpan Cymru: Y Felinheli yn ymweld â Llandudno
Cyhuddo dyn o lofruddiaeth yng Nghaergybi
