Mae corff ail ddyn wedi cael ei ddarganfod wrth chwilio ddau gaiaciwr ar goll o Bwllheli.
Cafodd yr heddlu eu galw i addroddiadau am gorff wedi'i ddarganfod yn y môr ger Llwyngwril tua 7.20yh nos Fawrth.
Mae'r dyn bellach wedi'i adnabod fel Simon Wilson, a ddiflannodd gyda Connor Parfitt o draeth Hafan y Môr wythnos diwethaf.
Mae teulu Mr Wilson a'r crwner lleol ar gyfer Gogledd Orllewin Cymru wedi cael eu hysbysu.
Cafodd corff Mr Parfitt ei ganfod ar draeth yn Aberystwyth brynhawn Sul.
Bu chwiliadau helaeth gan y gwasanaethau brys am y ddau yn dilyn pryderon gan yr heddlu.
Dywedodd Prif Arolygydd Stephen Pawson o Heddlu Gogledd Cymru: "Dwi'n rhannu fy nghydymdeimlad dwysaf hefo teulu Simon yn y cyfnod hynod anodd hwn."
"Nid dyma'r canlyniad yr oedd unrhyw un ohonon ni wedi gobeithio amdano fo, gan gynnwys y timau sy'n rhan o'r chwilio."
"Diolch i'r asiantaethau partner, gwirfoddolwyr a'r cyhoedd am helpu hefo'r chwilio. "'Da ni'n gofyn i breifatrwydd teuluoedd Simon a Connor gael ei barchu."
Caernarfon: cyhuddo dyn o stelcio
Tystiolaeth newydd i amddiffyn bywyd gwyllt morol
Cyhuddo dyn o ladrad ym Mangor
Caergybi: cyhuddo dyn o drais domestig
Caernarfon: cynyddu dirwy am dipio anghyfreithlon
