Mae dau ddyn wedi cael eu harestio yn dilyn dau gyrch cyffuriau yn ardal Caergybi.
Atafaelwyd swm sylweddol o cetamin a chocên gan swyddogion fore Gwener, yn ogystal â swm mawr o arian parod.
Cafodd dyn 22 oed a dyn 25 oed ei arestio ar amheuaeth o gyflenwi cyffuriau ac maent yn parhau yn y ddalfa tra bod ymholiadau'n cael eu gwneud.
Yn ôl Heddlu Gogledd Cymru, roedd y cyrchoedd yn rhan o'u gwaith i amharu ar gyflenwad cetamin yn lleol.
Dyweddod PC Andy Jones: "Rydym yn parhau i wrando ar wybodaeth a phryderon a riportiwyd i ni gan y gymuned leol ac rydym yn gweithredu ar y wybodaeth honno."
"Ni fyddwn yn goddef ymddygiad sy'n ecsbloetio trigolion bregus Ynys Môn er budd ariannol."
"Dylai unrhyw un sydd â gwybodaeth am gyffuriau yn eu hardal gysylltu â'r heddlu neu roi gwybod am bryderon yn ddienw trwy Crimestoppers trwy ffonio 0800 555 111."
Burwen: cwest yn agor wedi gwrthdrawiad
Carcharu dyn am dreisio dynes tra roedd hi'n cysgu
Gwobr genedlaethol am fenter realiti rhithwir
Dynes ifanc wedi marw yng Ngŵyl Tonnau
Gweinidog yn agor estyniad Ysgol y Graig
