Mae tad a fu farw mewn damwain ger Pentreath wedi cael ei disgrifio fel ''mab a brawd annwyl iawn''.

Bu farw Arwyn Jones, 29 oed, o Llanairpwll, yn dilyn gwrthdrawiad rhwng dau gerbyd ar yr A5025 fis diwethaf.

Cafodd dyn 22 oed ei gludo i'r ysbyty gydag anafiadau difrifol.

Mewn terynged ddiffuant drwy'r heddlu, dyweddod Sioned: "Fel ei wraig, dwi wedi torri fy nghalon. Roedd Arwyn yn ŵr, tad, mab a brawd annwyl iawn ac fel teulu, mae ein bywydau ni wedi newid am byth ar ôl ei golli."

"Roedd Arwyn a fi wedi bod hefo'n gilydd ers dros 15 mlynedd a fo oedd fy enaid hoff cytûn. Ein merch, Lilly, oedd ei fywyd. ⁠Mae ein byd ni wedi chwalu."

"Byddai'n gwneud unrhyw beth i unrhyw un ac yn mwynhau ei waith fel cynorthwyydd cegin mewn cartref gofal ym Mhentraeth, lle roedd wedi gweithio ers mis Medi y llynedd."

"Roedd wedi gwirioni ar Star Wars, roedd yn mwynhau chwarae gemau, wrth ei fodd yn mynd am dro hir yn y goedwig a thorri coed hefo'i dad. Byddwn ni i gyd yn ei golli'n fawr."

Bydd crwner Gogledd Orllewin Cymru yn agor cwest i farwolaeth Mr Jones yng Nghaernarfon ddydd Mercher.

Mae'r heddlu yn parahu i apelio am dystion a gwybodaeth i helpu hefo'u hymchwiliad parhaus i'r digwyddiad a fu rhwng Pen-y-Garnedd a Pentraeth Automotive.

Roedd y digwyddiad yn ymwneud â Peugeot 208 llwyd, wedi'i yrru gan Mr Jones, ac Audi A5 Quattro aur.

Dyweddod llefarydd ar ran Heddlu Gogledd Cymru: "Gofynnir i unrhyw un a oedd yn gyrru ar hyd yr A5025 tua 6.30am ar 25 Ionawr, ac a allai fod wedi bod yn dyst i'r digwyddiad, neu a allai fod hefo lluniau camera cerbyd perthnasol, gysylltu hefo swyddogion."

Os oes gennych unrhyw wybodaeth, cysylltwch â Heddlu Gogledd Cymru ar 101 neu drwy'r sgwrs we fyw, gan ddyfynnu'r rhif cyfeirnod 26000067199.