Mae dyn ifanc wedi cael ei arestio yn dilyn ymosodiad honedig yng nghanol dinas Bangor dros y penwythnos.
Cafwyd hyd i dyn yn anymwybodol ar Stryd Fawr gan swyddogion patrôl toc wedi 3yb bore Sul.
Aethpwyd â'r dyn i'r ysbyty i gael triniaeth ac mae wedi cael ei ryddhau ers hynny.
Fe gafodd dyn 19 oed ei arestio yn hwyrach ar amheuaeth o ymosod ac mae wedi ei rhyddhau ar fechnïaeth amodol tra bod ymchwiliadau'r heddlu'n parhau.
Mae ditectifs yn apelio ar dystion neu unrhyw un sydd â lluniau i ddod ymlaen.
Dywedodd yr Arolygydd Jamie Owens: "Rydw i'n apelio i unrhyw un a welodd y digwyddiad, neu sydd â fideo i gysylltu gyda ni."
"Fe allai unrhyw un sydd â gwybodaeth allai fod o gymorth i'r ymchwiliad gysylltu gyda ni ar ein gwefan neu drwy ffonio 101, gan ddyfynnu'r rhif cyfeirnod 0020211."
A55: dyn yn cyfaddef gyrru yn y ffordd anghywir
Carcharu dyn wedi ymosodiad rhywiol ar ferch
A55: cyhuddo dyn ar ôl gyrru y ffordd anghywir
Ffair yn dathlu treftadaeth Ynys Cybi
Tacsi wedi'i ddwyn a'i yrru ar ochr anghywir yr A55
