Mae dyn o Borthaethwy wedi cael ei garcharu ar ôl cael ei ganfod yn meddu cyllell yng nghanol y dref.
Mi roedd Arron Dean, 31 oed o Lôn Cilbedlam, mewn tŷ efo preswylwyr eraill pan ddaeth o’n ymosodol a bygwth eu niweidio nhw.
Mi adawodd y lleoliad efo cyllell yn ei law, a dechreuodd gerdded tuag at y Stryd Fawr.
Mi ddaeth swyddogion o hyd i Dean yn gyflym a’i arestio. Mi wnaeth o daflu’r gyllell i’r llawr pan gafodd ei herio gan swyddogion yn cario dyfeisiau Taser.
Yn Llys Ynadon Caernarfon ddydd Iau, plediodd Dean yn euog i feddu ar gyllell mewn man cyhoeddus a chafodd ei garcharu am 26 wythnos.
Dywedodd Rhingyll Akhil Patel o Heddlu Gogledd Cymru: "Dydy cario cyllell ddim yn gwneud rhywun yn saffach, mae’n rhoi pawb mewn mwy o berygl."
"Mae ymdrin ag adroddiadau o droseddau cyllell bob tro’n flaenoriaeth i ni. Mi wnawn ni barhau cymryd camau er mwyn cadw cymunedau Ynys Môn yn saff."
"’Da ni’n parhau annog unrhyw un efo gwybodaeth ynglŷn â phobl sy’n cario cyllyll mewn llefydd cyhoeddus riportio’u pryderon nhw i’r heddlu, neu’n ddienw drwy Crimestoppers."
Dechrau gwaith ar hwb gofal Aethwy
Planhigion yn ffynnu yn yr Afon Gwyrfai
Caergybi: cyhuddo dyn o ddelio cyffuriau
Carcharu dyn o Gaernarfon a ymosododd ar ei frawd
Dechrau prysur i'r haf MônActif
