Bydd Gŵyl Fwyd Caernarfon yn dychwelyd yn 2027 ar ôl seibiant o flwyddyn.
Mae'r trefnwyr wedi cadarnhau y bydd yr ŵyl boblogaidd yn cael ei chynnal ddydd Sadwrn 8 Fai gyda cheisiadau'n agor yn fuan i stondinwyr.
Cafodd digwyddiad ei ddiystyru ar gyfer 2026 er mwyn datblygu dyfodol yr ŵyl.
Mewn datganiad y llynedd, dywedodd pwyllgor yr ŵyl fod "baich anghynaladwy" ar ei wirfoddolwr, oherwydd strwythur y sefydliad ar y pryd.
Ond mae gweithgareddau codi arian ar gyfer yr ŵyl wedi parhau, gan gynnwys nosweithiau cyri, marchnad Nadolig a stondinau bwyd a diod ar gyfer arddangosfa Noson Tân Gwyllt y dref.
Dwyeddod llefarydd ar ran Gŵyl Fwyd Caernarfon: "Llynedd, penderfyniad hynod anodd i’r Ŵyl oedd penderfynu cymryd saib yn 2026, beth sydd wedi bod yn ddegawd ers ein gŵyl gyntaf."
"Ond, peidiwch a phoeni! Yn y cyfamser rydym wedi bod yn brysur yn cynnal digwyddiadau ac yn paratoi at ŵyl 2027 a fydd yn cael ei gynnal ar yr 8fed o Fai! Bydd ceisiadau ar gyfer masnachwyr yn agor yn fuan iawn!"
Mae'r pwyllgor hefyd wedi cynnal gweithdai a chyfarfodydd rheolaidd i drafod datblygiad a chynaliadwyedd hir-dymor yr ŵyl a’r gymuned trwy’r flwyddyn.
Mae'r ŵyl yn denu tua 40,000 o ymwelwyr bob blwyddyn gyda mynediad am ddim.
Eisteddfod yr Urdd 2026: canlyniadau lleol
Dafydd yn ennill Ysgoloriaeth Artist Ifanc
Urdd 2028 yn dod i Gaernarfon
Elin Fflur: O'r Llwyfan i'r Llywydd
Mentora gan y sêr i enillwyr gwobrau
