Mae dyn 29 oed wedi marw yn dilyn gwrthdrawiad rhwng dau gerbyd ger Pentraeth.
Cafodd y gwasanaethau brys eu galw i'r A5025 rhwng Pen-y-garnedd a safle delwriaeth Pentraeth Automotive toc wedi 6.45yb bore Sul.
Y ddau gerbyd yn y gwrthdrawiad oedd car Peugeot 208 llwyd ac Audi A5 Quattro aur.
Bu farw gyrrwr y Peugeot yn y fan a'r lle ac mae ei berthnasau agosaf wedi cael gwybod.
Fe gafodd gyrrwr 22 oed y Audi ei gludo i'r ysbyty gydag anafiadau difrifol.
Bu’r ffordd ar gau am bron i naw awr cyn ailagor brynhawn Sul.
Mae Heddlu Gogledd Cymru yn apelio ar dystion neu unrhyw un sydd â lluniau camera dangosfwrdd i ddod ymlaen.
Dyweddod Ditectif Rhingyll Katie Davies o'r Uned Ymchwilio i Wrthdrawiadau Difrifol: "Rwy'n rhannu fy nghydymdeimlad dwysaf â theulu'r dyn yn ystod yr amser anodd hwn."
"Rwy'n apelio ar unrhyw un a oedd yn gyrru ar hyd yr A5025 tua 6:30yb ddydd Sul, ac a allai fod wedi gweld y digwyddiad - neu a allai fod â lluniau dashcam perthnasol - i gysylltu cyn gynted â phosibl."
Os oes gennych unrhyw wybodaeth, cysylltwch â Heddlu Gogledd Cymru ar 101 neu ewch i'r sgwrs we fyw, gan ddyfynnu'r rhif cyfeirnod 26000067199.
Foden wedi ‘rhwystro’ ymchwiliad yn erbyn athro arall
Carcharu dyn o Amwlch ar ôl darganfod cyffuriau
Bangor: cau pont droed wedi tân bwriadol
Club officials abused after footballer assault
Trenau ychwanegol ar gyfer gemau ail gyfle Cwpan y Byd
