Mae Aldi yn bwriadu creu 40 o swyddi fel rhan o gynlluniau ar gyfer siop newydd ym Mhorthaethwy.
Mae'r gadwyn archfarchnadoedd yn addo buddsoddi £7 miliwn yn yr economi leol os caiff cynlluniau eu cymeradwyo ar gyfer siop ger parc busnes Four Crosses.
Mae ymgynghoriad cyhoeddus yn digwydd tan y mis nesaf.
Yn ôl Aldi, byddai siop newydd ym Mhorthaethwy "yn gwella’r cynnig manwerthu lleol yn sylweddol, sydd ar hyn o bryd wedi’i gyfyngu i siopau llai, drytach nad ydynt yn gallu diwallu anghenion siopa wythnosol y boblogaeth leol."
Ychwanegodd: "Byddai cynigion Aldi yn cynnig mynediad hawdd at fanwerthwr cost isel ac o ansawdd uchel i drigolion Porthaethwy, ynghyd â chreu 40 o swyddi newydd, cyfwerth ag amser llawn, a delir ar gyfradd sy’n arwain y diwydiant."
Mae cynlluniau ar gyfer yr archfarchnad yn cynnwys maes parcio gyda 115 o leoedd, gan gynnwys wyth lle hygyrch a chwe lle i reini a phlant, a 12 pwynt gwefru cerbydau trydan, gyda'r gallu i osod mwy.
Y llynedd, cafodd cynlluniau ar gyfer siop Aldi yn Amlwch eu dileu, ar ôl i'r dref gael ei hychwanegu at restr flaenoriaethau yn dilyn ymgyrch leol.
Mae'r ymgynghoriad ar gyfer cynlluniau Pont Menai yn parhau tan ddydd Iau 16 Ebrill, cyn i Aldi fwriadu cyflwyno cais cynllunio i Gyngor Ynys Môn.
Carcharu dyn o Fangor am gludo cocên
Y Bandana yn ailffurfio ar gyfer Eisteddfod 2026
Caergybi: arestio dyn wedi ymosodiad honedig
Cytundeb newydd ar gyfer adweithydd Wylfa
Bangor: rhybudd ar ôl cynnydd mewn lladradau
