Mae dyn ifanc wedi marw yn dilyn gwrthdrawiad rhwng sawl cerbyd ar gyrion Pwllheli.
Yn ôl Gwasanaeth Ambiwlans Cymru, cafodd tri o bobl eu cludo i'r ysbyty yn dilyn y gwrthdrawiad ar yr A499 ger Parc Glanfryn yn Y Ffôr ychydig cyn 10.15yh nos Sadwrn.
Dywedodd llefarydd ar ran y Gwasanaeth Ambiwlans bod pedwar ambiwlans wedi'u hanfon i’r lleoliad, yn ogystal ag uned ymateb.
Galwyd Ambiwlans Awyr Cymru a hofrennydd chwilio ac achub o Gaernarfon i leoliad y ddamwain hefyd.
Cafodd dau o bobl eu cludo mewn hofrennydd i Ysbyty Prifysgol Brenhinol Stoke a chafodd trydydd person ei gludo mewn ambiwlans.
Roedd y ffordd ar gau dros nos ond mae wedi ailagor ers hynny.
Mewn datganiad, dyweddod Liz Saville Roberts, AS Dwyfor Meirionydd: "Yn hynod drist o glywed am farwolaeth drasig dyn ifanc mewn damwain ger Y Ffôr, Pwllheli neithiwr."
"Mae fy nghalon yn mynd allan at ei deulu a’i ffrindiau. Hefyd rwy’n anfon fy meddyliau at y rhai a anafwyd. Hoffwn hefyd estyn fy niolch i’r gwasanaethau brys a ymatebodd mewn amgylchiadau mor heriol."
Trysorau Môn mewn arddangosfa newydd
Carcharu dyn o Fangor am gludo cocên
Aldi i greu 40 o swyddi ym Mhorthaethwy?
Y Bandana yn ailffurfio ar gyfer Eisteddfod 2026
Caergybi: arestio dyn wedi ymosodiad honedig
