Enillwyr wobr Albwm Cymraeg y Flwyddyn 2025 yw Ynys am eu halbwm, ‘Dosbarth Nos’.
Ynys yw band Dylan Hughes, gynt o Race Horses a Radio Luxembourg
Rhyddhawyd yr albwm ym mis Gorffennaf 2024, gan ddilyn rhyddhau eu halbwm cyntaf a gyrhaeddodd y rhestr fer ar gyfer Y Wobr Gerddoriaeth Gymreig yn 2023.
Wedi'i recordio'n fyw dros gyfnod o bedwar diwrnod yn Stiwdios Mwnci ger Hendy-gwyn, mae'r albwm yn arddangos esblygiad cerddorol Ynys - gan gofleidio palet sain mwy egnïol ac anturus gyda'i drefniadau deinamig rhyfeddol, a dal hanfod perfformiadau byw'r band.
Mae 'Dosbarth Nos' yn ymgorffori uchafbwynt taith greadigol Ynys, gan nodi carreg filltir arwyddocaol yn esblygiad y prosiect. Mae dull manwl Hughes o gyfansoddi caneuon, ynghyd ag egni cydweithredol y band, wedi arwain at albwm sy'n llawn bwriad a hyder newydd.
Derbyniodd yr enillwyr dlws a gomisiynwyd yn arbennig. Mae'r wobr, a drefnir gan yr Eisteddfod Genedlaethol a BBC Radio Cymru, yn dathlu'r cymysgedd eclectig o gerddoriaeth Gymraeg a recordiwyd ac a ryddhawyd yn ystod y flwyddyn.
Daeth 10 o artistiaid a bandiau i’r rhestr fer eleni, gan gynnwys Adwaith, Bwncath, Gwenno Morgan, Pys Melyn ac Ynys.
Y beirniaid oedd Martha Owen, Nico Dafydd, Elain Roberts, Gruffydd Davies, Branwen Williams a Heulyn Rees.
Myfyrwyr Lefel A yn derbyn graddau
Myfyrwyr yn cefnogi llawdriniaeth Adnewyddu Bangor
Teyrngedau i ddioddefwyr damwain Biwmares
Archif Ddarlledu yn dod i Langefni
Dechrau'n Deg yn ehangu yn Neiniolen
