Mae Reform wedi ennill ei sedd gyntaf ar Gyngor Ynys Môn yn dilyn buddugoliaeth yn is-etholiad Ynys Gybi.
Etholwyd Celfyn Furlong i'r sedd wag gyda 603 o bleidleisiau yn y bleidlais ddydd Iau - mwyafrif o 260 dros ymgeisydd Plaid Cymru, Bethan Jones, sydd yn ail safle.
Dyma'r diweddaraf mewn cyfres o fuddugoliaethau isetholiad ar gynghorau Cymru i blaid Nigel Farage yn y cyfnod cyn etholiadau'r Senedd ym mis Mai, gyda pholau piniwn yn awgrymu ras dau geffyl rhwng Plaid a Reform.
Dyma'r canlyniad llawn:
- Celfyn Furlong (Reform) - 603
- Bethan Jones (Plaid Cymru) - 343
- Mary Roberts (Llafur) - 171
- Nick Bounds (Gwyrdd) - 118
- Margaret John (Ceidwadwyr) - 112
- Robert Williams (Annibynnol) - 26
Roedd y ganran a bleidleisiodd yn isel o 33.3% gydag un papur pleidleisio wedi'i wrthod.
Mae Plaid yn cadw 19 sedd ar Gyngor Môn, gydag 11 cynghorydd annibynnol, tri o Lafur, un o Reform ac un o'r Democratiaid Rhyddfrydol.
Mae Ynys Cybi hefyd yn cael ei chynrychioli gan y cynghorydd Llafur Keith Roberts a'r cynghorydd annibynnol Dafydd Rhys Thomas.
Gwaith i helpu i leihau erydiad yn Ninas Dinlle
Cân i Gymru yn cyhoeddi rhestr fer
Pennod newydd i Ysgol Friars
Buddsoddiad yn dod â bywyd newydd i feysydd chwarae
Teyrnged i dad 'annwyl' ar ôl damwain angheuol
